Published on Wed, 06/29/2011 -
വടകര: ടൈക്കൂണ് മണിചെയിന് നിക്ഷേപ തട്ടിപ്പിലൂടെ 410 കോടി രൂപയുടെ വെട്ടിപ്പ് നടന്നതായി അന്വേഷണ സംഘം കണ്ടെത്തി. നേരത്തെ കണ്ടെത്തിയ 370 കോടിക്ക് പുറമേ എച്ച്.ഡി.എഫ്.സി ബാങ്കില് നടത്തിയ പരിശോധനയില് 40കോടി രൂപയുടെ ഇടപാട് നടന്നതായി വെളിപ്പെട്ടു.
ബാങ്കില് ചെറിയ നിക്ഷേപം മാത്രമാണ് ബാക്കിയുള്ളത്. ഇതിന് പുറമേ ഊട്ടിയില് 900 എക്കര് ഭൂമി കമ്പനിയുടെ പേരിലുണ്ടെന്ന അവകാശ വാദം വ്യാജമാണെന്ന് അന്വേഷണത്തില് വ്യക്തമായി. 10ലക്ഷം രൂപ വിലവരുന്ന അഞ്ചര ഏക്കര് ഭൂമിമാത്രമാണ് കമ്പനിയിലെ ഇടപാടുകാരില് ഒരാളുടെ പേരില് ഇവിടെ ഉള്ളത്.
ടൈക്കൂണിന്റെ വിവിധ സംസ്ഥാനങ്ങളിലെ 130 ഏജന്റുമാരെ കഴിഞ്ഞ മൂന്നുമാസം മുമ്പ് ഊട്ടിയിലെ വ്യാജഭൂമി കാണിച്ച് തെറ്റിദ്ധരിപ്പിച്ചതായി കസ്റ്റഡിയിലുള്ള രവിചന്ദ്രന്, പി.എം. ഗോപിനാഥ്എന്നിവര് ചെന്നൈയില് കൊണ്ടുപോയി നടത്തിയ അന്വേഷണത്തില് വെളിപ്പെടുത്തിയതായി കേസിന് നേതൃത്വം നല്കുന്ന വടകര ക്രൈം ഡിറ്റാച്ച് മെന്റ് ഡി.വൈ.എസ്.പി ടി.പി സദാനന്ദന് പറഞ്ഞു.
No comments:
Post a Comment
താങ്കളുടെ പ്രതികരണം...?