നെറ്റ്‌വര്‍ക് മാര്‍ക്കറ്റിംഗ് നിരോധിക്കാന്‍ ഇരകളുടെ സംഗമം സംഘടിപ്പിച്ചു
മുക്കം: കൂണ്‍കണക്കെ മുളച്ചുപൊന്തുന്ന നെറ്റ്‌വര്‍ക് മാര്‍ക്കറ്റിംഗ് തട്ടിപ്പുകള്‍ നിരോധിക്കണമെന്നും വഞ്ചകര്‍ക്കെതിരെ കര്‍ശന നടപടി സ്വീകരിക്കണമെന്നും സോളിഡാരിറ്റി ഗോതമ്പറോഡില്‍ സംഘടപ്പിച്ച ഇരകളുടെ സംഗമം ആവശ്യപ്പെട്ടു. 'നെറ്റ് വര്‍ക് മാര്‍ക്കറ്റിംഗ് നിരോധിക്കുക; തട്ടിപ്പിന്റെ വലക്കണ്ണികള്‍ പൊട്ടിച്ചെറിയുക' എന്ന തലക്കെട്ടില്‍ സോളിഡാരിറ്റി കൊടിയത്തൂര്‍ ഏരിയാ കമ്മറ്റി സംഘടിപ്പിച്ച ബോധവല്‍ക്കരണവും ഇരകളുടെ സംഗമവും സംസ്ഥാന സെക്രട്ടറി എം.സി. സുബ്ഹാന്‍ബാബു ഉദ്ഘാടനം ചെയ്തു. മോഹനവാഗ്ദനാങ്ങള്‍ നല്‍കി ആളുകളെ ചൂഷണം ചെയ്യുന്ന ഇത്തരം തട്ടിപ്പില്‍ അകപ്പെടുന്നതില്‍നിന്നും ജനങ്ങള്‍ ജാഗ്രത പാലിക്കണെന്ന് അദ്ദേഹം ആഹ്വാനം ചെയ്തു. സോളിഡാരിറ്റി സംസ്ഥാന പ്രതിനിധി സഭാംഗം ആസിഫ് അലി മലപ്പുറം മുഖ്യപ്രഭാഷണം നിര്‍വഹിച്ചു. ഏരിയാ പ്രസിഡന്റ് അന്‍വര്‍ കെ.സി അധ്യക്ഷത വഹിച്ചു. ജമാല്‍ കെ.ഇ സ്വാഗതവും സാലിം പി നന്ദിയും പറഞ്ഞു.സാലിം9846608022
No comments:
Post a Comment
താങ്കളുടെ പ്രതികരണം...?