വയനാട്: പിരമിഡ് മാതൃകയില് ആളുകളെ ചേര്ക്കുന്ന എല്ലാ ബിസിനസുകളും അനധികൃതമാണെന്ന് നോര്ത്ത് സോണ് എ.ഡി.ജി.പി രാജേഷ് ധവാന് . അതുകൊണ്ട് തന്നെ ബിസാറിന്റെ ആസ്തികളും അനധികൃതമാണെന്നും ഇത്തരം സ്ഥാപനങ്ങള്ക്കെതിരെ സംസ്ഥാന വ്യാപകമായി അന്വേഷണം നടക്കുമെന്നും അദ്ദേഹം പറഞ്ഞു. ബിസാര് തട്ടിപ്പുമായി ബന്ധപ്പെട്ട അന്വേഷണത്തിന് വയനാട്ടിലെത്തിയ എ.ഡി.ജി.പി മാധ്യമപ്രവര്ത്തകരോട് സംസാരിക്കുകയായിരുന്നു.
ബിസാര് ഗ്രൂപ്പ് ഓഫ് കമ്പനീസിന്റെ ഉടമസ്ഥതയിലുള്ള കോടികളുടെ ആസ്തി അനധികൃതമാണ്. അന്വേഷണത്തിനായി നോര്ത്ത് -സൗത്ത് എ.ഡി.ജിപിമാര് സംയുക്തമായാണ് പ്രവര്ത്തിക്കുന്നത്. തൃശൂര് മുതല് കാസര്കോട് വരെയുള്ള ജില്ലകളുടെ അന്വേഷണ ചുമതല വയനാട് എസ്.പി ജെ.ജയന്തിനാണ്. ഈ ജില്ലകളിലെയും ഗള്ഫിലെയും പരാതികള് 9497996974 എന്ന നമ്പറില് അദ്ദേഹത്തെ നേരിട്ടറിയിക്കാം. മണി ചെയിന് കമ്പനികളില് ചേര്ന്നവര്ക്കെതിരെ നടപടിയുണ്ടാവില്ല. പ്രൊമോട്ടര്ക്കും ഏജന്റുമാര്ക്കും എതിരെയാണ് നടപടിയുണ്ടാവുകയെന്നും അദ്ദേഹം പറഞ്ഞു.
No comments:
Post a Comment
താങ്കളുടെ പ്രതികരണം...?